រកឃើញភស្តុតាងបន្ថែមដែលបង្ហាញអំពីប្រភពទឹកនៃបាតបឹងលើភពព្រះអង្គារ

ស្ថិតក្នុងកិច្ចពិភាក្សា ‘វិទ្យាសាស្ត្រ និងបច្ចេកវិទ្យា‘ ផ្ដើមដោយ កូនកសិករ

យានឃ្លាំមើលរបស់ NASA ប្រចាំភពព្រះអង្គារបានរកឃើញភស្តុតាងថ្មីដែលជាស្លាកស្នាម អង្គធាតុសើមដែលមាននៅក្រោមដីនៃភពក្រហម។ តាមរយៈយានCompact Reconnaissance Imaging Spectrometer for Mars (CRISM) បានពិនិត្យទៅក្នុងស្រទាប់ដីនៃតំបន់ McLaughlin Crater ស្ថិតនៅអឌ្ឍគោលខាងជើងនៃភពក្រហមបានរកឃើញនៅកំណរកំណើតធាតុកា បូណាតនិងដីឥដ្ឋនៅអតីតបាតបឹងបុរាណមួយ។

យានMars Reconnaissance Orbiter(MRO)

នៅកំរិតកំពស់ដ៏ទាប McLaughlin Crater (21.9°N 337.63°E) ស្ថិតនៅប៉ែកបស្ចិមតំបន់ Arabia Terra នៃភពក្រហមដែលជាវាលទំនាបរាងដូចបាតបឹងទំនងជាធ្លាប់មានទឹក ក្រោមដីកាលពីមុនមក។ តំបន់នេះមានវិជ្ឈមាត្រ ៩២គម និងជំរៅ២,២គម ដែលជាជំរៅជ្រៅល្មមអាចជាទីប្រមូលផ្តុំនៃប្រភពទឹកក្រោមដី។ វាមិនមែនមានស្លាកស្នាមជានៃខ្សែទឹកខួចដែលមានទ្រង់ទ្រាយធំ ដូចនៅមាត់ភ្នំភ្លើងដែលគេជួបពីមុននោះទេ តែវាជាទ្រង់ទ្រាយនៃប្រឡាយទឹកហូរច្រោះចូលមាត់បឹងបុរាណដ៏ធំ មួយ។

តាមការស្រាវជ្រាវគេបានប្រទះឃើញនូវវត្តមានស្រ ទាប់ថ្មដែលស្ថិតនៅបាតបឹងដែលកើតពីបន្ទុះភ្នំភ្លើងនេះ។ ដែលស្រទាប់ថ្មទាំងនោះជាការផ្សំគ្នាជាដុំៗនៃសារធាតុរ៉ែកាបូណាត ជាមួយដីឥដ្ឋ ដែលធាតុរ៉ែទាំងពីនេះកើតឡើងពីការចូលរួមរបស់ទឹក។ បើនៅទីជំរៅនៃតំបន់ McLaughlin ធ្លាប់មានវត្តមាននៃបឹងមែន នោះវាប្រាកដជាបានផ្តល់នូវបរិស្ថានសំណើមជាទីដែលជីវិតអាច តាំងនៅបាន។

ទិន្ន័យមួយចំនួនដែលត្រូវបានគេសិក្សាដោយ CRISM បានបង្ហាញឲ្យឃើញនូវថ្មស្រទាប់ក្រោមដែលបានមកពីការហូរផ្តាច់ ទៅនូវផ្ទៃខាងលើ ដែលសឹករិលដោយកត្តាប្រែប្រួលនៃអាកាសធាតុបានកើតឡើងនាពេល កន្លងទៅថ្មីៗនៅលើភពក្រហម ហើយភាគច្រើនជាការហូរច្រោះនៃអង្គធាតុរាវនៅសីតុណ្ហភាពយ៉ាង ក្តៅបំផុត

នេះជាប្រសាសន៍របស់លោកJoseph Michalski នៃវិទ្យាស្ថានវិទ្យាសាស្រ្តសិក្សាអំពីភពមានមូលដ្ឋាននៅទីក្រុង Tucson រដ្ឋ Arizona សហរដ្ឋអាមេរិក។